من أغرب اللحظات التي مرت علي

دلوقتي وأنا بأبحث عن حاجه ع النت عثرت على مدونة واحد صاحبي، هو سافر قريب، أول ماشفت صورته حسيت بحنين غريب أوي، مش عارف حسيت إنه واحشني قوي ليه، تركت له تعليق على المدونة ياريت يوصله،
الموضوع ده خلاني أعرف أد إيه الواحد ساعات مش بيبقى مقدر قيمة الحاجات اللي في إيده، ولما بتروح بيبقى مستعد يدفع كتير علشان يلاقيها تاني،
يعني نادر ده كان هنا في مصر وكان معايا تليفونه وإيميله ورغم كده كنت مقصر معاه جامد، حتى إنه حضر فرحي
أنا دلوقتي حاسس بتأنيب ضمير من ناحيته
يارب يقرأ كلامي ده ويسامحني، ويعرف إنه والله العظيم ووالله العظيم واحشني و.. باحبك في الله
أسأل الله أن يرزقني بهذه الدمعة التي تنزل الآن لقياك في الجنة، وأن يلقنا برحمته رضاه