أيمن بُريك.. ماجستير بتقدير ممتاز

صحيح هي متأخره شويه، لكن مش مشكلة، فما لا يُدرَك كله لا يُترك كله

الدكتور أيمن بُريك الحمد لله وبعد معاناة، حاز على درجة الماجستير بتقدير ممتاز

الواد ده أنا فرحانله أوي، يومها لقيت الدموع بتنزل أول ما سمعت قرار هيئة التحكيم

بس قلت ياد اجمد بلاش الأفلام العربي القديمه دي

هو دلوقتي بيفكر في الدكتوراه، ربنا يعينه

ومنتظر مولود كمان، ربنا يرزقه ذرية طيبة

كان إحساس جميل، كنا كلنا جنبه، زملاؤه وأهله، والمجتمع والناس

هو صحيح كان لمض حبتين في المناقشه، وكان بيرد على الأساتذه ع الفاضي وع المليان، بس برده لأنه يستحق أعطوه نتيجه كويسه- امتياز طبعًا

كنت عاوز أكتب له تهنئة متكلفه، بس قلت الكلام اللي يطلع من القلب أحسن من مليون ديباجة

واعذروني على اللغة العامية، وسامحني ياسيبويه