الفرانكوأراب وسنينه

كنت أفكر في عمل حملة ضد استخدام لغة الفرانكو أراب، هي لغة كده ولا لها أصل زي العيل اللي لاقيينه على باب جامع

لكني بعد البحث وجدتُ من سبقني لذلك سأكتفي بإيراد كلامهم، رغم تحفظي على إفراطهم في استخدام العامية

هدف هذا الجروب هو الحد من ظاهرة إستخدام لغة الفرانكو اّراب والتي أصبحت منتشرة في معظم مواقع ومنتديات الإنترنت وبرامج الدردشة ورسائل المحمول!!. ولمن لا يعرف الفرانكو اّراب .. فهي لغة جديدة لبعض الناس بتكتب اللغة العربية بحروف انجليزية وبتعوض عن الحروف اللى مش موجوده بأرقام زى العين مثلا بتكتبها 3وحرف الحاء يكتب 7إلخ ... مثلاً : Great Britain - بريطانيا العظمى تكتب بالفرانكو اراب bri6ania al3o'6ma أو britanya el 3ozma !!وزي ما انتوا شايفين ان نفس الكلمة ممكن اكتبها بكذا طريقة .. يعني اللغة دي بإختصار ملهاش اي قواعد محددةوبالتالي ممكن ببساطة انك تحاول تقرأ كلمة بالفرانكو اراب ومتعرفش معناها إيه بالضبط بالرغم من انك لو كتبت نفس الكلمة بالغة العربية او الإنجليزية او حتي فرنسية ممكن تفهمها او تترجم معناها .. لكن لو في كلمة فرانكوا اراب ومش عارف معناها او اللي كتبها كتب الكلمة بطريقة غلط , في الحالة دي مش هتقدر تعرف معني الكلام

حقيقي بأحس اني مازلت طفل يحاول ان يتعلم القراءة عندما احاول ان أقرأ هذة اللغة وقراءتها مملة جدا وفي أحيانا كثيرة بيكون هذا الكلام "الملخبط" غير مفهوم المعني لان في بعض الناس مش بتجيد الكتابة بهذة الطريقة وبيكون صعب عليك انك تفهم كلامهم .. !!

الحكاية بدأت ازايمن حوالي ٢٥ سنة، ما كانش في كيبورد عربيفكان مفيش طريقة غير الطريقة دي، و هي إختراع يحسب لصاحبه

طبعاً الشباب الصغيرين مش حيقدروا يفهموا يعني إيه مفيش كيبورد عربي، ومفيش عربي في الويندوز (ويمكن كمان مفيش ريموت للتليفزيون)، لكن دة كان الواقع على أيامناالحكاية بدأت من مصر، في النص التاني من التسعينات، استبدلوا حرف الحاء بال7وحرف العين ب3بس كدة، لكن بعد شوية، وبمشاركة من الدول العربية الاخرى، زاد الموضوع لحروف تانية ذي الضاد والغين والخاء والطاء وغيرها كتير، فأصبح الموضوع ملخبط جداً، أصبح أمر شديد الصعوبة قراءة أكتر من سطرين بالطريقة دي بصراحة دلوقت لما بلاقي أي تعليق على أي حاجة مكتوب فرنكواراب بأطنشه، مش بأقرأه، وأعتقد كتير زيي, بيوجع العينينإذن احنا عايزين نكتب يا إما عربي يا إما إنجليزي دلوقت طالما فيه كيبورد عربي، ممكن دة يبقى حل جزء من المشكلة يفضل الناس اللي زي حالاتي، في وقت من الأوقات اتعلم الطباعة بالانجليزي، لكن مش بالعربي، فعلشان يكتب سطرين بالعربي، ممكن ياخد ٣ اسابيع يبقى برضه، مفيش طريقة غير الفرنكواراب البديل اللي أنا لقيته وغير حياتي هو الموقع ده

أخر حاجة،إذا معجبتكش الفكرة، و شايف اننا غلطانين ومالناش حق، وإن الفرنكواراب مافيهوش مشكلة، إنت حر، لكن بلاش تهاجمنا، سيبنا نوصل للناس إلي عايزين يشاركونا لكن فكر معايا بالطريقة دي : إذا كنت طريقة الفرنكواراب أسهل لك في الكتابة، لكن مش أسهل لنا في القراءة ، طيب، مش إنت برضه نفسك إلي إنت كتبته احنا نقرأة بسهولة؟ اه رأيك تفضلنا عن نفسك ولو مرة ؟ يعني بدون أنانية :) حاول، يمكن لما نقرأ كتاباتك بسهولة نقدر نفهمك أحسن ونتواصل أسهل

دعوة لمشاركتنا بدون إجبار، على فكرة اللغة العربية هي من ضمن ١٧ لغة معتمدة رسمياً في الأمام المتحدة، اعمل معروف، خلينا نحافظ عليها لغة مكتوبة كمان، لحسن تتحول للغة منطوقة فقط زي الهيروغليفيملحوظة، طبعاً أنا معترف بضعفي في الطباعة بالعربية ( لكن مش ضعفي في اللغة نفسها أبداً) لكن أخوكم كتب النصف الثاني من المقدمة دي باستخدام هذا الموقع

مش خسارة فيكم ٥ دقايق زيادة يخدهم الموقع في المراجعة

وهنا على نفس الموقع، نجد ما يلي

لا تفقد نفسك ... لاتصبح غيرك

لاتمح هويتك.....لاتمح شخصيتك

لاتخسر لغتك.... حتى لاتفقد نفسك

اللغة العربيه هى نفسك.. هويتك ..شخصيتك لاتفقدها

هويتك تبدأ من لغتك وتمتد حتي افكارك وسلوكياتك

ابدأ معنا بالحفاظ علي اللغه كي نعبر سويا بهويه عربيه لساني ناطق بالعربيه فأنا عربي اكتب العربيه وافكر بها واستمتع بمفرداتها الغنيه التي هي غير متوفره في لغات شتي من لغات الارض

فلنكن الخطوه الاولي للتغير الصحيح يدا بيد قلبا بقلب للحفاظ علي انفسنا من التغريب والانهيار فبدايه الانهيار يبدأ من اللغه

ممكن واحد مستفز يعلق على الموضوع ده بالفرانكو أراب