الصمت الرهيب

أصعب حاجه في الدنيا لما تبقى عاوز تتكلم ومش قادر، تبقى محتاج تكتب وتفضفض وعارف إنه ما ينفعش، لما تكتم جواك مشاعر وأحاسيس تكاد تفيض فتُغرق الكون كله من حولك.. ورغم ذلك تكتم، وتخبي، وتصمت
تعرفوا إن الواحد المفروض يبقى له مدونة مافيش حد عارف إنها بتاعته، علشان يكتب فيها كل اللي هو عاوزه من غير ما يعمل حساب إن ممكن فلان أو علان يقرأ كلامه، ولو إن ده برده مش ها يحل المشكلة جذريًا، لكنه حل والسلام ولو مؤقت

فيه كلام مش سر لكن مش المفروض كل الناس تعرفه

وفيه كلام تاني سر ومش لازم حد يعرفه

وفيه كلام تالت كل الناس تعرفه بس مش المفروض يعرفوا إنك إنت ده؟

فيه كلام غلط إن حد يعرفه

وفيه كلام صعب تقوله علنًا

فيه كلام مش عيب، لكن برده مش قادر تقوله

وفيه كلام شرف إنك تقوله لكنك متلجم ومش قادر

ياصبر أيووووووووووووووووب
طبعا اللي بيقرأ الكلام ده دلوقتي بيقول الراجل ده مجنون ولا إيه، وأنا أعذره بشده والله، لكني أحيله ليفهم إلى مقولتي الشهيرة: لكل كلمة أذن فإن لم تفهم بعض كلامي، فلا تبتئس، فالعيب ليس فيك لكن ربما كلماتي ليست لأذنك ولا تقلق فصحتك زي الفل، وحالتك لا تستدعي الذهاب لطبييب
أكيد اللي عندهم كلام مش ينفع يتقال فاهميني أوي
والسلام